Monday 6 May 2013

Немир


Работи!
Работи умот.

Се растрчале мислите
ко мравки од згазнат мравјалник.

Три пута ударник!
Три пута ударник!

Претрчуваат
ко мали деца на црвено.
И кај што треба
и кај што не треба.

Прескокнуваат огради.

Летаат ко глуварчиња.

Пукаат ко балони:
од сапуница
или од пакетче хуба-буба.
Исчезнуваат засекогаш
или оставаат лепливи траги по лицето.

Телото не седи мирно.
Рацете посегаат да дофатат нешто:
некогаш небо,
некогаш грутка земја.